Ez Xo Leteyê Canê Rayver APO Vînena

Vervate
Êdî wext ame bî ke ma zafêr vîrameyişê gerîla sero çî binusê. Ziwan û zarava ciya ciya, xeylê vîrameyişê gerîla est ê.La belê , bi Dimilkî nuşteu, zaf tay bî. Seba no zî, akademiya wêje de, ma dest bi nuştena vîrameyişan kerd. Akademiya ma, serê ko der o. Seba ke ma miyanê gerîla di, him gerîlayîn kenê, him zî eşkenê şirê lewê gerîlayan û înan ra qisey bikerê, gurê ma asan kerdê.
Vîrameyişê ma nuşt ê, şehîdanê ma ser o yê. Tayê vîrameyiş zî, embazê ke cuyenê, ma rê vat û ma zî winî nuştî. Tayê vîrameyiş zî, mi bi xo, ser cuya xo ya gerîla nuşto. Tayê vîrameyiş zî, destê ma di hadre bî. No vîrameyişan ma ard pêser û pirtûka ma virazya.
Seba ke, Dimilî zaf nêameya nuşten, hetê nuştene di, kêmaniyê xo est o. Çiyê bîn zî ez wazena vajî, nuştê xo di ma zafêr çekuyanê Aryen “Dimilî, Kirdasî, Soranî, Farsî binyat girot.” Çekuyê sey Herb ki erebî ya, ma çekuya ceng xebitna. No mijarê di ma wazenê Dimilkî di çekuyanê erebî, tirkî û zey nîna nêxebitnê. Seba ke çekuyê Aryen û Kurdî zaf dewlemend o.
Eke wendoxan no pirtûke ra sûd girot, ma do şa bibê.
Azad Ararat