Nî hêkatî aynê Rojavayî yê. Mi ke wendî, hen hîskerd. Rojava da se beno, cengê verva DAEŞ ra tepîya û binê tehditanê dewleta tirk de. Gorê homete, cengo en girs Kobanê de amo ciwîyayene. La raştîye de cengo en girs hona rameno. Riznayene rehet a, ama nîznayene zaf zaf zor a. Dirvetanê herbî melem kerdene kî serran cena. Dirvetê herbî xorî yê.
Ha sima rê hêkata jû cênîka ereb û alevîye: Verê çimanê malbata de îslamîsti ci rê tecawuz kenê. Aqilê moerdemî nêceno. Kam na dirvetî pîseno ke!
Hêkatade bîne: Jû malbate nêwazena lazê xo Asad rê eskerîye bikero. Sona Şam de risfet dana lazê xo cena û kuna raya çeyî. Raye ra çi yeno înan ser, mordem beno xex eke na hêkate waneno.
Tabî jê her timî xiyaneta kurdan verva kurdan na kitav de kî yena ra zon. Meselanê mavênê xo kenê mane û hetkarîya dewlete kenê, kilitê wendegeyî nêdanê ke dersê kurdî dest cikerê. Domanê aynî gonî jûvînî rê benê xerîv û dismen.
Jû hêkate kî Gare arde ra mi vîrî: Esker beno dirvetin û kuno gerilla dest. Teselîya xo birrîna, vano nî mi kisenê. Hewnê eskerî rast nêbeno, la dîyalogode enteresan dest keno ci.
Se beno bibo, sene herb beno bibo, sene trajedî beno bibo, herbê kurdan de esq kî cayê xo ceno. Esqê mavênê Şîrîne û Hamudê esqode trajîk o.
Nustoxe wes û war bo, wertê honde adir û kile de qelema xo canêverda.
Kamer SÖYLEMEZ
Reviews
There are no reviews yet.